သင့်ရဲ့ အောင်မြင်မှု အတွက် မှန်ကန်သော လမ်းညွှန်မှု

ကျွန်ုပ်တို့အကြောင်း

             Success Life Consultant Company သည် ရန်ကုန်တိုင်းဒေသကြီးရှိ (၄၁) မြို့နယ်ကို အဓိကထားလျက် ရန်ကုန်မြို့နေရာအနှံ့အပြားတွင် မြေယာ၊ တိုက်ခန်း၊ ကွန်ဒိုနှင့် လုံးချင်းအိမ်များကို ဝယ်ယူ၊ ရောင်းချ၊ ငှားရမ်းခြင်းဆိုင်ရာ အကျိုးဆောင်ဝန်ဆောင်မှုများကို ကျွမ်းကျင်ပိုင်နိုင်စွာ ဆောင်ရွက်ပေးလျက်ရှိပါသည်။ အိမ်ခြံမြေနှင့်ပတ်သက်၍ စာချုပ်စာတမ်းများ ချုပ်ဆိုခြင်း၊ မြေယာ သို့မဟုတ် အဆောက်အအုံဝယ်ယူရာတွင် နောက်ကြောင်းရာဇဝင် မကင်းသည်များ၊ ပိုင်ဆိုင်မှုအရှုပ်အရှင်းများ ရှိမရှိ စာရွက်စာတမ်းအထောက်အထားများကို တရားဥပဒေကြောင်းအရ စေ့စေ့စပ်စပ် စစ်ဆေးစိစစ်ပေးခြင်း၊ အိမ်ခြံမြေတန်ဖိုး တွက်ချက်သတ်မှတ်ခြင်းနှင့် သက်ဆိုင်ရာဌာနများတွင် တရားဝင် ပိုင်ဆိုင်မှုအမည်ပေါက် လျှောက်ထားခြင်းလုပ်ငန်းများကို အပြည့်အဝ ဆောင်ရွက်ပေးလျက်ရှိပါသည်။ ထို့အပြင် မြန်မာနိုင်ငံအိမ်ခြံမြေဝန်ဆောင်မှုအသင်း၏ အင်းစိန်မြို့နယ် အိမ်ခြံမြေဝန်ဆောင်မှုအသင်းတွင်လည်း လုပ်ငန်းစဉ်များနှင့် အစည်းအဝေးများတွင် တက်ကြွစွာ ပါဝင်ကူညီဆောင်ရွက်ပေးလျက် ရှိပါသည်။ ကုမ္ပဏီကိစ္စရပ်များနှင့်ပတ်သက်၍ ကုမ္ပဏီအသစ် တည်ထောင်ခြင်း၊ ဌာနများ (Departments) ဖွဲ့စည်းခြင်း၊ စည်းမျဉ်းစည်းကမ်းများ (Rules and Regulations) ရေးဆွဲခြင်း၊ မူဝါဒနှင့် လုပ်ထုံးလုပ်နည်းများ (Policies and Procedures) ရေးဆွဲခြင်း၊ ကုမ္ပဏီအတွက် လိုအပ်သော မှတ်ပုံတင်များနှင့် လိုင်စင်များ လျှောက်ထားပေးခြင်းနှင့် အရည်အသွေးပြည့်ဝသော ဝန်ထမ်းများကို စိစစ်ရွေးချယ်ပေးသည့် Recruiting ဝန်ဆောင်မှုများကိုလည်း ဆောင်ရွက်ပေးလျက်ရှိပါသည်။ ယင်းအပြင် ဥပဒေအရည်အချင်းပြည့်ဝပြီး အတွေ့အကြုံရင့်ကျက်သော ရှေ့နေကြီးများနှင့်အတူ ပူးပေါင်း၍ တရားမ/ ပြစ်မှုဆိုင်ရာ ကိစ္စရပ်များ၊ သေတမ်းစာများ၊ မိသားစုအမွေခွဲဝေခြင်းများ၊ အမွေစားအမွေခံ မွေးစားခြင်းများ အစရှိသည့် ဥပဒေနှင့်ပတ်သက်သော အထွေထွေဝန်ဆောင်မှုအများအပြားကိုပါ ကျယ်ကျယ်ပြန့်ပြန့် ဆောင်ရွက်ပေးနေသော ဦးဆောင်ကုမ္ပဏီတစ်ခုအနေဖြင့် ရပ်တည်လျက်ရှိပါသည်။